به گزارش خبرنگار خبرگزاری ایرنا در کابل؛ مسئولان وزارت معادن و پترولیم دولت سرپرست افغانستان امروز دوشنبه ۲۶ سنبله، در خبرنامه‌ی اعلام کردند که ملا هدایت‌الله بدری سرپرست این وزارت از معادن سنگ مرمر چشت شریف و نمک ولسوالی غوریان ولایت هرات دیدار نموده است.
مسئولان این معادن ضمن تشریح از کارکردهای‌شان در رابطه به طرح و پلان‌های کاری آینده به سرپرست وزارت معلومات مفصل ارایه نموده، مشکلات و نظریات خود را نیز شریک ساختند.
سرپرست وزارت معادن و پترولیم در عرصه حل مشکلات و عملی شدن پیشنهادات وعده همکاری نموده، هدایات لازم را جهت شفافیت بیشتر در پیشبرد امور محوله به مسئولان صادر نمود.
پایان پیام/
Your Comment